nimi suwi

 tenpo pini la mi toki e ni: suwi li suli ala.

 nimi la 'kipisi' en 'leko' en 'monsuta' en 'misikeke' li suwi mute tawa kute mi. taso mi ken toki e ijo kepeken ala nimi ni. mute la mi kepeken ala e ona ale lon tenpo ni.

 taso ona ale li suwi. suwi li suli tawa kulupu pi toki pona. o lukin e ijo pi nimi 'kijetesantakalu'. ona li jo e kon pi lili mute. taso ona li suwi. o sona e ni: tan seme la toki pona li jo e kalama 5 pi uta open?

 suwi li suli la mi wile pana e nimi ni mute anu seme?

 taso a, 'leko' la ona li jo e kon nimi suwi kin. taso 'monsuta' en 'misikeke' la kon nimi li suwi lili. 'kipisi' la seme? a ona kin li suwi lili tawa mi.

 'leko' li suwi tan ni: jan lili li kepeken musi e leko musi lon tenpo mute li pali e tomo leko suwi.

 'monsuta' li suwi ala tan ni: suwi li pana e pilin ni: mi wile pilin suwi lon tenpo awen. taso monsuta li pana e pilin pi awen ala.

 'misikeke' li suwi lili tan ni: tenpo jaki la mi kama jo e ona. mute la kipisi uta li suwi ala tawa uta.

 'kipisi' li suwi lili tan ni: mi kipisi e ijo la pakala li kama. suwi li awen la pakala li ante.

 ni ale la ken la mi wile pana e nimi 'leoko' tawa lipu nimi mi sama nimi suwi anu seme?