'loka' li pona ala pona tawa mi
tenpo pini la mi mu waso e ni:
'loka' li ken nimi pona tan ni:
— mu Nesapa (kepeken toki pona) (@nesapaUSB) 2022年9月24日
'luka' li sama 'loka sewi'.
'noka' li sama 'loka anpa'.
ni la mi ken weka e nimi tu: luka en noka! mi ken lili e nimi!
ike li ni taso: jan lili taso li sona e nimi ‘loka’.
ni la mi pana e nimi 'loka' tawa lipu nimi mi lon tenpo pini.
taso... mi kepeken e nimi 'loka' la jan mute li sona ala e kon toki. ni li ike.
mi kama wile weka e nimi ni lon tenpo sin.